巴塞必擒“狼”

    西甲國家打吡戰，巴塞以不用吹灰之力，大炒皇馬四蛋，打到皇馬輸波又輸品。明晨巴塞繼續強勢出擊，在歐冠盃分組賽迎戰羅馬，只要再度發揮出對皇馬一戰水準，隨時又一場大手交易。

    羅馬四戰只得五分，出線形勢並不樂觀，非要全取三分不可，但要在魯營球場殺敗巴塞又談何容易？除非巴塞放軟手腳，否則羅馬實在難逃一劫。初盤巴塞羅那硬讓球半，必捧巴塞再施下“馬”威。

    巴塞對住皇馬一戰，美斯雖然只踢後備，但球隊依然踢到水銀瀉地，“哨牙蘇”與尼馬繼續發揮極佳狀態，入波停不了，恩尼斯達寶刀未老，證明在球隊中仍佔重要位置，更值一提超新星羅拔圖極具大將之風，而最厲害當然是球隊滲透式攻勢，簡直無堅不摧，今場羅馬防線恐怕要風聲鶴唳。

    攻又死，唔攻又死，羅馬今戰確實進退兩難，雖上次對陣能夠迫和巴塞，實際唔輸經已執身彩，今戰作客魯營，以球隊本身班底，根本難以與巴塞抗衡，巴塞要開殺戒，羅馬最低消費三球。

    推介：巴塞羅那3:0