多蒙特小勝格

    歐洲各大聯賽今個星期重開，德甲明晨先打頭陣，老二多蒙特作客漢堡。牌面上蜜蜂兵應可睇高一線，但初盤開出要硬讓球半，未免過分高估多蒙特會贏得輕鬆。

    漢堡近三次對陣蜜蜂兵取得兩勝一和不敗，近三次主場同樣兩勝一和，心理上佔優。雖然近況一般，但對住強隊，強有強打法，始終有地頭之利，未至於會大敗收場。受讓球半，必捧漢堡殺盤。

    漢堡在德甲球隊中踢法相當硬朗，且屬於粗中帶幼，拿索加、基哥列舒治、賀治比及伊尼斯域等都係踢得之人，只是平均質素不及多蒙特。但在主場踢出加一波，相信唔會有太大差距。

    多蒙特今季走咗唔少猛將，但依然能夠重上正軌，目前守住聯賽榜第二位。最主要係多名主力球員回勇，包括香川真司、奧巴美揚、米希達恩、真達及根杜簡等都踢出應有水準，整體狀態不斷回升。加上球隊開季士氣十足，十二戰九勝兩和，只曾敗於班霸拜仁腳下，走勢強勁。不過，今場踢作客要讓過一球以上，贏盤難度很大。

    推介：多蒙特2:1