愛爾蘭博和“波”

    明晨繼續有歐洲國家盃附加賽上演，首回合作客一比一逼和波黑嘅愛爾蘭，只要今場大門力保不失，就可以殺入決賽周。

    從首回合雙方比較，波黑佔到唔少優勢，射門次數十五比五，多愛爾蘭三倍；不過，足球比賽就係咁奧妙，攻勢多，唔代表一定會贏波，波黑今仗誓必要爭取入球，以球隊攻擊能力並非絕無機會。初盤愛爾蘭要讓平手／半球，因為主場關係，但整體實力上絕非在對手之上，捧波黑至少可執半個盤。

    由於揸住一個作客入球在手，愛爾蘭定必會先穩住防線，講防守力，愛爾蘭的確唔差，十場分組賽只失七球，兩戰對住德國亦能取得一勝一和；不過，波黑踢法比較細膩，愛爾蘭踢嘅係英式防守，相信今仗防線會受到一定考驗。

    波黑鋒線擁有迪斯高與伊比斯域兩大名牌攻擊手，具一定入球把握力，中場亦有好波之人比真歷與盧歷，創造力十足，唯一係後防穩健度不足，只怕被愛爾蘭穩守突襲得手，但受讓始終都要揀波黑。

    推介：和波1:1