挪威復仇夠“匈”狠

挪威在歐國盃附加賽首回合主場失利，○比一不敵匈牙利，明晨作客就要非勝不可。

匈牙利雖今場有主場之利，但從首回合形勢所見，明顯處於劣勢，大部分時間被挪威圍攻，能夠保住一球優勢，門將基拉利表現神勇，簡直功不可沒，球隊亦係運之所至。基本上，挪威始終明顯水平較高，匈牙利今場能否繼續力保不失，就要睇挪威能否把握埋門一腳。初盤平手，不妨考慮平均質素較佳嘅挪威可以反敗為勝。

講匈牙利班波，真係不得不讚“睡褲門將”基拉利，呢位卅九歲老將曾在德甲及英超搵食，當然具有一定級數，匈牙利能否殺入明年決賽周，今仗就要睇呢位守門大將軍。其次就係曾踢過利物浦嘅攻擊手尼米夫。不過，成隊波靠一前一後，都幾難睇好。

挪威上場狂攻對手，控球率超過八成以上，攻門次數廿三次八中目標，可惜始終未能攻破對方大門。今戰背城借一，必會派出最強鋒線但求一擊即中，只要把握埋門機會，挪威至少可追和。重點係唔使讓波，坐和望贏捧挪威有着數。

推介：挪威1:0