捧巴西冇手尾“根”

世界盃南美洲區外圍賽明早上演一場超強戲碼，阿根廷大戰巴西，兩隊都係南美頂尖勁旅，兼且陣中球星如雲，大家都唔衰得，肯定殺得難分難解。

阿根廷頭兩場表現令人大失所望，一和一負不但止，更加係零入球，可想而知美斯因傷缺陣，對球隊攻力影響極大。今仗仲有阿古路、兩大守將沙巴列達與加雷同樣有傷唔踢得，阿根廷簡直係前後告急。中場一向係球隊死穴，始終欠缺一名極具份量嘅策劃者，導致創造力不足，單靠迪馬利亞與希古恩個人能力，阿根廷今場實在難有贏波本錢。

巴西的人腳就完整得多，尼馬近期在巴塞表現神勇，三場聯賽入五球，在國家隊停賽四場後，今場猛虎出柙。效力車路士嘅韋利安呢期在球會係發揮最猛一個，利物浦嘅古天奴同樣狀態“弗”到爆；加上馬些路、艾華斯及大衛雷斯等基本主力班底，前中後三線都勁量十足，比阿根廷均衡得多，踢作客依然未驚過。初盤阿根廷讓平手／半球，捧森巴兵團一樣可以斬草除“根”。

推介：巴西2:1