車仔要“篤”數

陷於低谷嘅車路士終於在歐冠盃“止咳”。呢一場勝仗，對球隊嚟講十分重要，特別係老摩，再輸嘅話唔單只工都冇得開，如果被炒確又顏面何存？不過，過到初一，捱唔捱到十五都係未知數，始終英超成績依然未有起色。明晨作客史篤城真係要醒醒定定，若再失分，“油王”定冇面畀。

史篤城今季戰績亦唔好得好多，目前排第十四僅高車仔一位，稍不慎隨時要跌落榜尾掙扎。雖然今仗佔有地利，惜今季主場失去威力，對住及時反彈嘅車仔，史篤城一樣有輸波危機。初盤車路士讓半球，捧車仔連勝“史”命必達。

史篤城在聯賽五次主場，除只能險勝升班馬般尼茅夫外，其餘四場一和三負，完全無主場氣勢。球隊目前攻擊力有限，十一戰只得九球進賬，係英超中最差一隊，今場要爭勝確有困難。

歐冠盃擊敗基輔戴拿模，確係車仔翻身之作，無論士氣與信心肯定提升。雖則今場老摩未能臨場指揮，但或者令球員減少壓力，表現更加神勇。

推介：車路士2:1