利物浦難登“山”

    克洛普接手“紅軍”利物浦後，終於在英超開齋，三比一擊倒車路士，贏得精彩一仗。明晨利物浦再戰歐霸盃，克洛普當然希望乘勝追擊，歐戰再振聲威。不過，作客俄羅斯對當地勁旅之一嘅卡山魯賓，絕對唔易踢，上次主場對陣，紅軍狂攻對手，射門多達卅五次，惜只得六中目標，最終只能迫和對手攞得一分，紅軍要在分組賽出線，今戰非要全取三分不可。卡山魯賓對呢三分更加重要，誓必在主場發難，紅軍必受唔小壓力。初盤利物浦讓半球，捧卡山魯賓主場謀“利”。

    卡山魯賓陣中有多名具級數球員，烏克蘭射手戴域把握力十足，中場奧斯杜夫、卡拿丹尼斯及巴西援將艾杜阿度都屬好波之人，整體戰鬥力不能低估，紅軍非要小心不可。

    經過多場摸索後，克洛普嘅戰術概念終於大派用場，壓迫性踢法上場反客為主，打到車仔寫個“服”字。古天奴、盧卡斯、拉蘭拿及賓迪基等發揮出色。但今仗山長水遠去到俄羅斯，始終難踢得多，再攞一分都算功成身退。

    推介：和波1:1