車仔難勝紅軍

英超今晚早場由兩支落難冤家的車路士與利物浦對戰。車仔呢期真係病到不似隊形，連周中聯賽盃亦被史篤城“射碼”淘汰，“老摩”真係黑開有條路。球隊目前環境唔單只係球員狀態問題，士氣及內部矛盾相信亦有一定原因，車仔要一時三刻反彈並非容易。

車路士今場對住利物浦，絕對屬於一場難打之戰，雙方近三次對陣殺得難分難解，其中兩次車仔在自己地頭出擊都未能擊退紅軍，上次交鋒更被紅軍狂攻，證明牌面上車仔根本毫無優勢，要讓波，車仔諗唔過。

自從克洛普接手紅軍後，整體踢法明顯有所改善，特別在壓迫性方面推上較前位置，令防守變得穩固，到目前為止假假地都未輸過，上場聯賽盃更加開齋，雖然只係一球小勝對手，但最緊要能夠提升士氣。除亨達臣與史杜歷治仍要因傷缺陣外，球隊陣容都算完整，尤其賓迪基及費明奴復出，可以加強中前場威脅力，同車仔對攻，紅軍未驚過，初盤車路士讓半球，趁住部“殘車”仲未大修好，一於捧紅軍坐和望贏。

推介：和波2:2