拜仁就地正“法”

    德甲聯賽已踢咗十輪賽事，超級班霸拜仁十戰全勝，攻入卅三球只失四球，簡直打遍德甲無敵手。上仗聯賽大炒科隆四蛋後，更係德甲第一千場勝仗，真係有邊隊夠佢威。明晨繼續強勢出擊，作客中游球隊法蘭克福，誓必再創勝績，打破過千關紀錄。

    法蘭克福整體實力屬於有限公司，近四場輸三場，包括上仗在德國盃連丙組仔都輸得，今仗對住拜仁，恐怕難逃劫數。初盤拜仁慕尼黑硬讓兩球，作客下可能讓得比較多，但近三次對賽，拜仁最少一場都贏三球，且攻擊力勁到冇朋友，入球絕對有保證，照捧拜仁贏波贏盤。

    法蘭克福雖然今仗在自己地頭出戰，惜四個主場僅得一場勝仗，的確唔惡得去邊。雖然陣中亦有森白蘭奴、長谷部誠及施費洛域等幾名國腳級球員，但位置上欠缺平均，與拜仁相比至少差一班。

    拜仁雖然下周要踢歐冠盃對阿仙奴，但目前人腳與板凳深度一樣咁強橫，只要三大攻擊手“羅拔仔”、洛賓及梅拿開足火力，最少數兩三球冇走雞。

    推介：拜仁慕尼黑3:0