意甲高“森”莫測

    歐洲各大聯賽明晨只得一場意甲“孭飛”，由森多利亞對恩波里，分析前發覺開出盤口有啲問題，初盤森多利亞小讓平手／半球，確實有“鬼盤”之疑。

    森多利亞今季五個主場取得四勝一和不敗，贏盤率更高達百分之百；恩波里作客戰績只係一勝三負，主客場優勢相當明顯。位置上森多利亞在聯賽榜排第七，恩波里排十五。睇對賽往績，森多利亞近八次對恩波里贏足六場，只係作客輸過一次畀對手，證明實力上，森多利亞較為平均。從以上數據分析，佔有主場之利嘅森多利亞只讓平手／半球，隨時畀個氹大家踩。相信大家都知，意大利波呢幾年真係“古靈精怪”得好緊要，各位投資者“執生”。

    人腳上，森多利亞確有唔少踢得兼有名氣之人，巴列圖、柏隆保及哥利亞等等，在意甲屬一支中堅實力分子，點秤都在恩波里之上。重返甲組嘅恩波里上季能夠成功護級，對球迷已有交代，論班底根本非森多利亞對手。但呢個盤口，又邊有咁大隻蛤乸隨街跳？

    推介：和波1:1