小心曼城掠“水”

英格蘭周中有聯賽盃上演。呢隻“盃仔”一向對強隊嚟講屬於雞肋賽事，重視程度有限，通常只派出副選上陣，但對於二、三線球隊就有一定吸引力。

英超“一哥”曼城明晨將要主場迎戰水晶宮。一來啱啱踢完場打吡大戰，二來賽事頻密，連續兩星期都要一周雙賽，加上陣中已有多名傷兵，為避免再有任何閃失，相信柏帥今戰會收起唔少主力，皆因聯賽盃根本唔係柏帥杯茶。

水晶宮目前在聯賽榜排第七，踢法認真穩打穩扎。當然，講到人腳班底，水晶宮同曼城相比，確實有一定差距，問題係雙方嘅爭勝鬥心去到邊。柏帥應該對呢隻“盃仔”可有可無，就算曼城副選出擊依然勝算較高，但要反轉水晶宮，要贏過一球以上，話難唔難，但肯定唔容易囉！

話晒水晶宮有卡比耶、夏治蘭、沙夏及沙高等身經百戰球員，點都可以頂得兩咀。既然曾經在聯賽作客殺敗過車路士，對住曼城亦有一定抗衡力。初盤曼城硬讓球半，水晶宮今仗必打穩守突襲，就算輸波，水晶宮最緊要贏盤。

推介：和波1:1