畢爾包起“杭”

    明晨西甲有場下游搶分戰，由畢爾包對希杭。畢爾包一開季就為球迷帶來驚喜，在西班牙超級盃主場大炒豪門巴塞羅那四蛋，兩回合贏五比一，球會相隔三十年後再奪錦標。由於球隊主強客弱，加上又要踢歐霸盃，雙線發展情況下，導致聯賽成績大跌，目前只排第十六位，再唔搶分的話，隨時要在榜尾位置掙扎，今戰對住“低層一族”嘅希杭，呢三分應可手到拿來。

    畢爾包陣中擁有阿度利斯、魯爾加西亞、賓納特及迪馬高斯等多名戰將，屬於“土炮”中一線球員，論人腳班底應可站於前列位置，只係球隊狀態問題。近三戰取得兩勝一和，主場更大炒實力派嘅華倫西亞三比一，畢爾包係時候上位。

    希杭今季重返甲組後，目標只望護級成功，可惜球員平均質素所限，基本每場比賽只能全力以赴，搶得一分得一分。希杭過去四場作客戰績其實唔差，兩勝一和一負，畢爾包必要穩中求勝。初盤畢爾包讓一球，以球隊近三場狀態所見，回勇嘅畢爾包可以贏到開“杭”。

    推介：畢爾包3:0