里昂發奮“圖”強

    今日介紹場法甲畀大家，由里昂對圖盧茲，里昂曾經在法甲雄霸一方，惜近年戰績下跌，已被巴黎聖日門取其位置，但依然穩守前列位置，證明本身戰力仍在法甲中具一定競爭力，今仗主場對住實力平庸嘅圖盧茲，里昂料可輕取對手。

    圖盧茲今季踢咗十場聯賽，除揭幕戰殺敗聖伊天外，其餘九場非和則負，今季成績差過里昂多多聲，近八次去到里昂地頭亦輸足七場，只得一次和局，今戰凶多吉少。初盤里昂讓半球 / 一球，今場最少執半個盤冇走雞，一於捧里昂有利可“圖”。

    聯賽十戰過後，里昂僅得十六分排第六位，與榜首聖日門相差十分，要保住爭標希望，已再無失分餘地，球隊非要搶分力爭上游不可，呢三分志在必得。球隊由華貝拿與拿卡錫迪兩位法國國腳領軍，拍住多名廿一歲以下國腳，既有經驗亦有活力，對住實力一般球隊，里昂夠殺有餘。圖盧茲在法甲屬於中游分子，算係比上不足，比下有餘，以九場未贏過嘅狀態，實在難以挑戰里昂。

    推介：里昂3:0