聖日門主場斬“馬”

歐冠盃明晨繼續有高手過招，A組兩支出線大熱，巴黎聖日門與皇家馬德里展開強者對話。

過去兩年雙方曾在友賽交手，結果皇馬皆以一球破“門”。但始終友賽兼在中立場比賽，表演性質居多，今次直接在歐戰對立，兩隊定必施展渾身解數，尤其佔有天時地利人和嘅聖日門，打親都輸肯定好冇面，誓必在主場發圍。國際比賽日又令皇馬損兵折將，射手賓森馬與中場策劃者摩特歷成為十字兵，加上洛迪古斯，卡華積及柏比等傷兵，皇馬嘅板凳深度受到一定影響，今戰作客大巴黎實在不宜過分高估。初盤巴黎聖日門讓平手／半球，捧聖日門封“皇”。

講前線火力，聖日門有伊巴謙莫域，卡雲尼，拿維斯及倒戈嘅迪馬利亞，比皇馬有過之而無不及，打對攻戰根本未驚過。至於中後場都係具份量有級數人馬，比起傷兵較多嘅皇馬，聖日門三線平均得多。皇馬近四戰只得兩勝兩和，銳利度稍為不足。“肥賓”一向打大戰嘅戰術思維，實在不敢恭維，能夠摸和攞一分算係功成身退。

推介：巴黎聖日門2:1