兩“史”雙爭博和

    英超明晨獨腳戲上演兩“史”之爭，史雲斯對史篤城，避免在下游浮沉，兩隊目前都需要搶分自保。史雲斯今季四個主場取得兩勝兩和保持不敗，當中殺敗曼聯，亦曾與愛華頓及熱刺兩支實力派球隊打成平手，主場表現值得信賴。

    至於史篤城嘅作客戰績亦唔差，一勝兩和一負，只輸過畀暫列前三位嘅阿仙奴，作客同樣有保證。基本上兩班波實力相差無幾，初盤史雲斯要讓半球，史篤城更值博，有望守得一分。

    史雲斯對住強隊打穩守突擊，的確踢得相當有效率；不過，對住同級波或有機會搶分球隊，可能求勝心切，反而在防守及進攻上失去均衡，顯得毫無章法。踢攻勢足球並非史雲斯強項，今仗如要在史篤城身上強搶三分，隨時弄巧反拙，根本讓唔起對手。

    史篤城確係一支死纏爛打球隊，且陣中球員亦有一定技術質素，保贊、沙基利、阿拿奧杜域及老將阿當等都係“食腦型”踢法，班底唔差過史雲斯。連埋聯賽盃，史篤城豪取三連勝，講士氣，足以抗衡史雲斯。  推介：和波1:1