多蒙特大“斯”殺

國際比賽日結束，歐洲各大聯賽又再重開，德甲明晨先打頭陣，排第二位嘅多蒙特將作客中游的緬恩斯。今季回勇嘅多蒙特上仗終於首嘗敗績，更被班霸拜仁大炒五比一，呢啖怨氣，誓必發洩在今仗對手身上。

緬恩斯出晒名係一支欺善怕惡球隊，對住弱隊經常都有不俗發揮，可惜遇強變弱。今仗對住近八次對賽輸足七場嘅多蒙特，緬恩斯想和都難。初盤多蒙特硬讓一球／球半，捧“蜜蜂兵”贏波贏盤。

多蒙特陣中有唔少主力球員都踢完國際賽，但實際影響不大，特别係幾名德國國腳，近兩場在國家隊上陣時間不多。何況球隊班底厚度十足，只要射手奧巴美揚、米希達恩及香川真司等繼續保持狀態，以緬恩斯實力，根本不足為患，“蜜蜂兵”依然夠殺有餘。

緬恩斯除有主場之利外，基本上冇太多着數，開季四仗主場只係兩勝兩負，主場亦唔惡得去邊，主要原因係本身人腳只屬德甲中嘅二、三線兵，球員平均質素一般，整體戰力與多蒙特仍有一定差距，主場亦難逃一敗。

推介：多蒙特3:1