巴西与巴拉圭相争心有所圭

美洲盃四强最后一席位，明早将由巴西与巴拉圭争夺。巴西贵为争标热门之一，今场当然係被睇好一队。不过，“森巴兵团”在三场分组赛同样欠缺霸气，核心球星尼马罚停赛四场，即使入到决赛，“马仔”都要做观衆。冇咗尼马，前线攻力冇影响就假。

讲球员名气，巴拉圭当然不及巴西，但讲到斗心，巴拉圭的确要畀个“讚”，对住阿根廷落后两球，依然死拼烂拼，最后更能迫和顶头大热。最后一战对住乌拉圭同样拼劲十足，抢得一分，呢种拼搏精神，经已值得支持。

今仗与巴西对决，巴拉圭未到最后一刻，肯定都会战斗到底。初盘巴西让半球／一球，近四次对赛各得一胜两和一负平分秋色，一于博巴拉圭杀盘。

巴西赢秘鲁与委内瑞拉都较为惊险，只係一球仅胜，你话“勒”住赢都唔信。仲有係巴西三场波都有失球出现，防线唔稳得去边，随时被对手反击成功。捧巴拉圭唔单只球队充满斗心，最重要係三场波都能够杀盘，而巴西半个盘都未赢过，唔到你唔信邪。

推介：和波1:1