巴塞要發“維”

西維爾與巴塞羅那在今季歐洲超霸盃，曾上演一場轟烈之戰，最終要打到加時，巴塞才能絕殺對手。今晚在聯賽又再碰頭，相信又會殺得難分難解。

西維爾由於今季要踢歐冠，導致聯賽戰績差強人意，至今僅得一勝，仲係險勝下游分子華歴簡奴，周中歐冠盃又不敵祖雲達斯。今戰火併巴塞，西維爾恐怕無能為力。

巴塞呢期都算“黑仔”，之前作客一比四慘敗切爾達腳下。陣中主力傷完一個又一個，美斯、恩尼斯達、拉芬拿及華美倫都成為十字軍，對賽程頻密嘅巴塞嚟講認真不利。不過，歐冠盃反勝利華古遜，幾位年輕球員為博上位都有出色表現，撞啱對手西維爾同樣傷兵滿營，“殘局”對陣，巴塞仍可睇高些少。初盤巴塞羅那讓半球，捧巴塞征“西”成功。

西維爾傷兵同樣重災區，卡古達、艾斯古迪路、賓尼加、羅蘭迪、卡列高及拉美等全部因傷缺陣，前中後三線力度大減，實際上比起巴塞陣容更殘得緊要。只要巴塞撇去上場作客大敗陰影，仍可取得勝仗。

推介：巴塞羅那 二比一