里爾惡啃蒙彼利埃

    法甲今晚里爾主場鬥蒙彼利埃率先開打，主隊聯賽兩連敗狀態低迷，鋒線繼續啞火唔識入波，面對取得聯賽首勝的蒙彼利埃，主場出擊想贏唔易。

    蒙彼利埃教練庫爾比斯有信心贏波：“球隊取得聯賽首勝，一切都在正確路上。現在最緊要是保持信心，千萬不能恐慌。”

    里爾今季戰績令人失望，至今八輪僅入兩球，成為一勝四和三負積七分排十六位的主因。里爾自奧歷治回歸利物浦後，賓斯亞、米高費爾、蘭基斯或古爾拿美等一衆鋒將皆未能提供穩定入球量，令球隊在聯賽勝仗難求及兩連敗。對手蒙坡利埃新季表現同樣差勁，前七場一和六負未贏過排名墊底，幸球隊上場二比一贏羅連安特成功開齋，暫排尾三脫離榜尾。乘贏波餘勇，面對識守唔識攻的里爾，作客有望搶分而回。

    里爾教練列拿特相信球隊會好起來：“八輪比賽積七分，的確不是一個理想的開局。在這樣困難的情況下，球隊更要踢出決心，不能讓自己崩潰。球隊有些不足之處，令到入球數字持續偏低，好似上場即使射門二十次及有多個角球，仍未能取得入球。我們會盡快解決把握力不足問題，在今晚爭取分數。”