摩納哥爆“熱”

    明晨又輪到歐霸盃分組賽第二輪，英超球會熱刺將要作客法甲勁旅摩納哥，首戰贏波嘅熱刺只要今場再攞三分，出線形勢大好。不過，摩納哥由歐冠降格踢歐霸，當然亦非善男信女，祇要踢出當日贏華倫西亞嘅表現，今仗拔“刺”唔難。初盤摩納哥讓平手／半球，捧摩納哥可以殺退對手。

    因為今季要踢歐冠盃附加賽，摩納哥整體實力有所加強，引入哥恩達奧、盧比斯、艾拉沙維及柏沙歷等具一定名氣球員。惜暫時在法甲戰績麻麻，近三戰只得勝和負各一，球隊狀態較為飄忽。但人腳質素事實唔差，有主埸之利，摩納哥確有一定勝算。

    熱刺上場英超踢出今季最佳代表作，以四比一炒起豪門曼城，近五場贏足四場，氣勢十足。不過，領隊普捷天奴對歐霸盃重視程度有限，幾場比賽都係輪換球員上陣，且並非以最強人腳出擊，目標似乎係英超前四。跟住兩場聯賽將要作客史雲斯及火併利物浦，唔排除今場稍會留力。首戰未能全取三分嘅摩納哥，搏殺程度必定高於熱刺。

    推介：摩納哥2:1