紅魔鬼割“禾”青

歐冠盃明晨繼續好戲連場，無獨有偶，兩支首輪輸波嘅曼市雙雄將要火併兩支德甲球會，“英德”大戰一觸即發。

其中曼聯在奧脫福擺陣迎戰禾夫斯堡，近三個主場曼聯全殺對手，攻入九球只失一球，簡直霸氣十足，今戰不能再輸嘅情況下，紅魔鬼勢必全力爭勝。

貴為上季德甲亞軍，禾夫斯堡確具有一定實力，惜近兩場發揮較為走樣。先以一比五大敗在拜仁腳下，受到重創後，上仗主場亦祇能與中游分子漢諾威打成平手，球隊士氣無疑受到影響。今仗作客挑戰曼聯，實在不宜睇好。初盤曼聯讓半球／一球，紅魔鬼肯定冇得“禾”。

自迪比與馬迪爾加盟後，曼聯前線火力全面提升。中場馬達、靴里拉及舒雲斯迪加等又能發揮出極佳水準，加上門神迪基亞再度把守最後一關，曼聯經已強勢回歸，確有超強信心必斬禾夫斯堡。

“狼堡”開季各項賽事踢咗四場作客，只在德國盃殺敗丙組仔球隊，踢作客對球隊嚟講相當不利，面對實力強大嘅曼聯，禾夫斯堡似乎凶多吉少。

推介：曼聯3:1