摩納哥砌鑊“甘”

法甲今晚大戰連場，傳統勁旅摩納哥作客甘岡，摩軍今季客強主弱，聯賽作客三勝一和未輸過，今番對陣往績佔優的甘岡，作客再贏機會濃。新援哥恩達奧要幫球隊贏波：“我已三個月冇比賽，目前狀態約恢復八成，會爭取踢出百分百實力，幫助球隊再贏一仗。”

摩納哥雖為上季聯賽的三哥，只是受到主力球員馬迪爾等離隊的影響，新季至今表現飄忽，至今三勝兩和兩負僅排第十位，要重返爭標行列今仗必須一勝。幸球隊今季作客成績突出（三勝一和），中場湯馬士利馬作客已入兩球腳風不俗，今番隨時再有士哥。甘岡上輪聯賽被聖日門三蛋炒起損士氣，加上過去六鬥摩軍輸多贏少（一勝兩和三負），主場出擊亦難全取三分。

後衛華萊士要和球隊一齊進步：“我加盟球隊已有一個球季，已從上季的錯誤中汲取教訓，感覺今季表現更好，踢出以往最好的狀態。雖然球隊開季成績未如理想，但我會努力訓練，希望和球隊一同進步，實現我們的目標。今年對我來說是重要的一年，我希望參加奧運會，同時成為球隊作用舉足輕重的其中一員。”

馬賽硬拼昂熱

另一場十二位的馬賽主場鬥第六位的昂熱，馬賽過去兩仗和局收場再度失分，要爭返前列已無失分空間，只是升班馬昂熱新季踢出驚喜，七戰失四球的防線唔易破，馬賽全取三分難度大。