車仔復仇為“仙”

英超今周重頭戰由兩支倫敦大會擔正，車路士再遇阿仙奴。社區盾阿仙奴憑住張伯倫一鎚扑“車”，令車仔開季至今，五場聯賽只得一勝一和三負，位置跌落尾四。一向牙擦擦嘅“老摩”都要收聲，亦係帶隊以來最低潮時期，今晚主場出戰，呢個仇非報不可。

阿仙奴目前雖然守住第四位，但實際表現並非顯示出強勢，發揮更係時好時壞，過於飄忽，且又剛從克羅地亞踢完歐冠回程，舟車勞頓，體力上亦輸蝕，再戰車仔應該冇運行。初盤車路士讓平手／半球，捧“藍戰士”誓必攻陷兵工廠。

車仔終於在周中歐冠盃大發神威，以四球大炒馬卡比，雖然對手實力較弱，但確實令球隊軍心大振。對馬卡比收起多名主力，證明老摩對阿仙奴一戰極為重視。只要球隊重回正軌，要殺退阿仙奴勝算甚高。

阿仙奴同樣在歐冠盃作出輪換，可惜人算不如天算，一比二不敵薩格勒布戴拿模。歐冠首戰受挫，反而弄巧反拙，士氣受一定影響，兵工廠要再一次剎“車”，恐怕難成事。

推介：車路士3:1