巴塞羅那去“馬”

明晨繼續有歐冠盃分組賽第一輪賽事，上季冠軍巴塞羅那展開首場衛冕之路，作客意甲“老二”羅馬。

今年八月兩隊踢過一場季前熱身賽，結果巴塞大炒羅馬三球，雖友賽性質，但足以反映巴塞實力明顯在羅馬之上，今次再度交鋒，就算踢作客嘅巴塞依然值得睇好。初盤巴塞硬讓一球，一於捧地上最強條條大道通羅馬。

羅馬今季引入迪斯高、沙拿、法爾基及門將施薩斯尼等多名強援，戰力確實提升唔少。球隊開季表現亦唔錯，三場聯賽兩勝一和，包括殺敗上季冠軍祖雲達斯，狀態與士氣都處於作戰水平。不過，對住強大嘅巴塞，相信一衆羅馬兵有一定壓迫感，能否發揮出較佳水準，就要睇臨場比賽心理素質。

講到踢大賽實戰經驗，美斯、尼馬、蘇亞雷斯及恩尼斯達等都係家常便飯。開季幾場比賽，巴塞的確踢唔出以往強勢，但上仗反勝馬體會，巴塞又再出招，踢出以往風格主宰場上形勢，始終係高低分別。計歐洲列強中，羅馬並非達到頂級，巴塞應可獲勝。

推介：巴塞羅那2:0