黑貓受讓“熱”捧

新特蘭在上季英超大難不死，僥倖逃過降班一劫，今季都要醒醒定定。球會開季前招兵買馬，引入多名國腳級球員，包括荷蘭國腳倫斯，法國嘅麥維拿，威爾斯嘅馬菲斯及來自瑞典嘅托禾倫等，實力有爭無減。可惜暫時仍未有任何起色，四戰過後仍未取得開門紅。今晚對住近十次聯賽碰頭都未贏過嘅熱刺，“黑貓”實在寄望唔大。不過，初盤開出受讓半球，有主場之利亦未必輸硬畀對手，始終本身班底人腳都係身經百戰，只要多名“新力量”球員能夠融入球隊，新特蘭整體戰力必定提升。

熱刺四戰同樣未能打開勝利之門，只得三和一負，球隊未能發揮出應有水準。至於人腳方面，熱刺同樣“加碼” ，重金禮聘孫弘民加盟，仲有韋列特、耶連迪、尼積爾及維馬等多名新軍，但同樣有多名實力派球員離隊。基本戰力與上季相差無幾，問題上係幾位新球員至今上陣時間實在唔多，默契配合可能成為最大障礙。實際上雙方都冇必勝把握，今場和波應該係最合理賽果。

推介：和波2:2