馬體會起“塞”

西甲明晨上演第三輪重頭大戰，馬德里體育會火併巴塞羅那，兩隊頭兩場聯賽同樣兩戰全勝，今仗為爭頭位，必鬥過你死我活。

馬體會上場作客三球擊敗西維爾，表現完全令人信服，反而巴塞兩場聯賽均只能一球險勝對手，贏得驚濤駭浪，整體狀態似乎未達到最佳水平，今戰雙方“埋牙”，有主場優勢嘅馬體會的確可以稍為睇好，何況初盤仲有受讓平手 / 半球優惠，今場至少坐和望贏，一於捧馬體會食盤“塞”。

為要與兩大勁敵“拗手瓜”，馬體會今季加重“料”，引入馬天尼斯、O托里斯、卡拉斯高、韋圖及卡蘭利維達等多名高質強援，戰力比上季更強橫，且新援已迅速融入球隊，借助上仗大勝西維爾強勢，根本未驚過巴塞。

由歐洲超霸盃、西班牙超級盃及兩場聯賽所見，巴塞的確出現唔少不利因素，五場比賽共失九球，防守經已出問題，今場更有比基停賽，艾華斯、羅拔圖、布斯基斯及門將巴禾都因傷缺陣，防線更雪上加霜，只靠前線食糊嘅巴塞，的確信唔過。

推介：馬德里體育會2:1