荷蘭“冰”封三尺

 歐洲國家盃外圍賽呢幾日戰火瀰漫，激戰連場肯定殺到天昏地暗。明晨有荷蘭大戰冰島，身陷險境嘅“橙衫軍”今戰許勝不許敗，否則隨時緣盡明年決賽周。

 冰島以十五分高踞A組榜首，出線形勢大好。只要過埋荷蘭呢關，攞多一分更加一片光明，出線雄心萬丈，戰意十足，有主場之利嘅“橙軍”未必可以佔到任何甜頭。初盤荷蘭硬讓球半，捧誓死抗荷蘭嘅冰島贏盤無大害。

 六戰只得三勝一和兩負，荷蘭要殺入決賽周的確困難重重，今仗撼冰島，下場作客土耳其，仲要再戰捷克，三場波都已再冇失分餘地，“橙軍”目前最大敵人就係心理壓力。荷蘭陣中雖然猛將如雲，洛賓、雲佩斯、亨迪拉亞及史奈積達等都係響噹噹球星，惜呢幾位核心都已經“三張”以上，作戰狀態明顯不及當年勇，加上防線穩健程度有限，荷蘭要衝出困境唔易。

 冰島球員名氣有限，施古臣與比亞拿臣算係“孭飛”球星；不過，整體踢法簡單直接兼實而不華，荷蘭實在難言穩勝。

 推介：和波1:1