禾夫斯堡掃“克”

英超無弱旅，西甲多強隊，至於德甲踢來踢去得幾隊，拜仁係班霸，多蒙特、禾夫斯堡、利華古遜，再加史浩克〇四屬於搗亂分子，爭前四位應該係最首要目標。

明晨德甲上演一場實力之戰，由上季亞軍禾夫斯堡火併列強之一嘅史浩克〇四，激戰在所難免。禾夫斯堡上季主場惡到出汁，十七戰取得十三勝四和，係唯一一隊不敗之師，主場威力勁到爆。史浩克雖然排名第六，但作客戰績就認真唔掂，只得三場勝仗，和四場，輸足十場，踢作客實在信心不足，主場龍對住作客蟲，禾夫斯堡必然睇高一線。初盤要讓半球，捧禾夫斯堡反“克”成功。

禾夫斯堡不單只主場勁，攻力同樣夠銳利，上季三十四場聯賽攻入七十二球，入球數字僅次於拜仁，頭號射手巴斯度斯首戰經已“開齋”，加上當打嘅迪布尼與比列錫等猛將，料可殺退強敵。史浩克今季變動比較大，化芬、基治荷夫及富治斯等主力離隊，影響球隊替補力，上仗主場只能逼和升班馬達斯泰特，整體表現一般，狀態起落實在太大，今場難以睇好。

推介：禾夫斯堡三比一