摩納哥滅“蝠”行動

歐冠盃附加賽明晨再展開第二回合交鋒，首回合落後一比三嘅摩納哥誓要絕地反擊。但要贏西甲勁旅華倫西亞兩球或以上，實在相當渺茫，但求竭盡所能，生擒“蝙蝠軍”攞返個“尾彩”。

揸住兩球在手，華倫西亞必會穩打穩紮，先保住大門不失，再以突擊鉗制摩納哥狂攻猛炸。從首回合戰況所見，作客嘅摩納哥並非處於下風，雙方只係勢均力敵，且在進攻程度上更具侵略性，攻門次數比“蝙蝠軍”還多，只輸在埋門一腳把握不及對手。今仗返到自己主場，定必全力反撲爭勝。初盤摩納哥只讓平手／半球，可以博摩納哥小勝華倫西亞。

以年青力壯為主嘅摩納哥首回合發揮的確唔差，可惜大戰經驗不足，兩名葡萄牙廿一歲以下國腳卡華尼路與貝拿度施華都有大將之風，中場控制力不俗，新加盟嘅帕沙歷與艾拉沙維亦具一定威脅力，今場擺出搏殺格，有望報一敗之仇。華倫西亞首場西甲就收起大部分主力，最終只能悶和華歷簡奴，擺到明留力與摩納哥力拼到底，一於以殺入歐冠分組賽為大局。

推介：摩納哥2:1