兵工廠難讓紅軍

阿仙奴在季前熱身賽有如猛虎出柙，計埋社區盾五戰全勝。以為英超開鑼戰可以強勢登場，點知爆出大冷，兩球不敵同市韋斯咸，真係一盆冷水照頭淋。至於上周聯賽亦只靠對手一個烏龍波擊敗水晶宮，險執三分，球隊表現的確像霧又像花。明晨兵工廠遇上強敵紅軍利物浦，實在毫無必勝把握。

紅軍上仗憑一個問題球險勝升班馬般尼茅夫，贏得的確唔夠光彩，但“假假哋”都係兩連勝。既然咁有“運仔”，且本身實力與兵工廠亦不相伯仲，紅軍絕對有力不敗而回。初盤阿仙奴讓半球／一球，捧硬利物浦取得“仙”機。

阿仙奴兩場聯賽攻門次數多達四十二次，進攻銳利度十足，可惜防守穩健程度有限，兩場波共失三球。新加盟嘅門神施治似乎欠缺信心，整條防線亦集中力不足，今仗未能改善的話，兵工廠料有所失。

紅軍今季繼續加強人腳，最實用係占士米拿與賓迪基，兩場後備上陣嘅費明奴同樣有一定作用，令中前場火力加強。今場作客與兵工廠鬥攻都未驚過。

推介：和波2:2