紐卡素背“城”借一

【本報消息】英超開快車，兩支升班馬力爭搶分，紐卡素作客史篤城力爭一勝以求護級；白禮頓主場出擊鬥般尼茅夫力爭重返勝軌。

紐卡素近況持續低迷，上輪主場鬥白禮頓再和波失分，近五戰僅一勝一和三負，狀態、士氣同樣低沉。論人腳實力兩隊接近，喜鵲前線基爾、迪亞美等表現麻麻，米杜域因傷續缺陣，紐卡素火力進一步削弱。史篤城上仗作客車路士慘敗而回，同樣近五戰僅一勝，幸主場仍交出兩勝一和兩負，輸波兩仗不敵利物浦及韋斯咸，陣中莫亭、阿倫及沙基利等人腳稍優，喜鵲今仗作客難言一勝。

喜鵲後衛奇勒激勵球隊隊友爭勝：“未能贏出白禮頓一仗令人很失望，不過能夠搶回一分、兼保持清白之身，仍算可以接受的結果。史篤城主場出擊，肯定比我們有更大搶分壓力，今仗勝負對我們非常重要，現在我們要專心迎戰一仗力爭三分。”

般茅惡闖白禮頓
般尼茅夫作客白禮頓，般茅現時距離尾三韋斯咸僅兩分之差，有護級壓力，幸般茅上輪主場殺退愛華頓，擺脫九戰不勝的頹勢，稍振球隊士氣。般茅人腳比白禮頓有優勢，雖然迪科爾繼續因傷缺陣，不過前線費沙、威爾遜近期表現不俗。但白禮頓今仗有主場地利，今季主場僅輸過曼城及利物浦，足證海鷗主場有貨交，般茅今仗作客想搶分亦唔容易。