蝙蝠軍難奏凱“哥”

明晨繼續有歐冠盃附加賽上演，西甲實力分子華倫西亞先踢主場，迎戰法甲摩納哥。雙方實力唔會相差太遠，去年曾在酋長盃切磋，結果二比二打成平手，今次為爭入歐冠盃分組賽而戰，戰況肯定會更為激烈。

“蝙蝠軍”雖有主場之利，可惜季前多場熱身賽並未踢出應有水準，近四場比賽只得一和三負，最慘條防線共失十球，暴露出唔少弱點。阿根廷國腳奧達文迪經已簽約曼城，少咗呢位後防核心，“蝙蝠軍”防線更加危機重重。不過，球隊中前場依然具一定威力，巴利祖、菲治侯利、艾卡沙、尼格度、皮亞迪及洛迪高等都係具級數攻擊手，坐鎮主場至少可立於不敗，問題只係能否取得領先優勢。

摩納哥在上一圈輕取瑞士球隊年青人，對手的確係較弱，但兩回合共贏七比一，顯示出球隊火力充足，連新加盟嘅艾拉沙維都有“士哥”。加上莫天奴、帕沙歷、杜拿蘭等具質素名氣球星，整體戰力絕不在華倫西亞之下。初盤華倫西亞讓半球，不妨捧摩納哥力保不敗。

推介：和波2:2