紅魔鬼危機密“布”

紅魔鬼曼聯今季重返歐冠戰場，但要殺入分組賽還差一步，明晨歐冠盃附加賽首回合，曼聯將在奧脫福佈陣迎戰比利時勁旅布魯日，主場必須先拔頭籌取得領先優勢，否則次回合踢作客，紅魔鬼仍有一定隱憂。

比利時甲組聯賽在七月尾經已開鑼，貴為上屆盟主、傳統班霸，布魯日整體表現認真麻麻，連埋比利時超級盃及歐冠盃外圍賽在內，七場比賽只係三勝一和三負，其中四場作客輸三場和一場，踢作客似乎信心不足。幸好近四場取得三勝一和保不敗，比賽狀態開始逐漸提升，今場作客對住曼聯，勢必緊守城池，望能先保住不敗，返到主場再搏殺。初盤曼聯讓球半／兩球，球員仍未磨合到最佳配合嘅紅魔，依然霸氣不足，不妨博吓布魯日輸波贏盤。

紅魔鬼雖然有多名猛將加盟，但英超頭兩場發揮並未達到應有效果，特別係球員之間默契，令前線火力未能顯示出極強殺傷力。今仗預料布魯日先穩守後反擊，定必駐重兵加強後防截擊力；以曼聯目前鋒力，要三番四次攻陷布魯日防線，未必容易。

推介：曼聯2:1