巴塞迫不得“爾”

巴塞捧完個歐洲超霸盃，以為乘勝追擊再向西班牙超級盃埋手，點知人算不如天算，首回合作客對住中游分子畢爾包竟然會慘敗收場。巴塞諗住贏唔到亦未必輸，卻四球大敗在對手腳下，今仗返到主場要淨勝五球，真係談何容易呢？

畢爾包今場一定“擺大巴”，防線有咁密封咁密，如無意外都係九零一戰術，一於由頭守到落尾。巴塞要翻盤？算罷啦！只望贏返場將對手擊敗，挽回些少面子。初盤巴塞羅那讓兩球／兩球半，再捧畢爾包繼續贏盤。

巴塞頭尾四日要打兩場波，又搭飛機又坐車，舟車勞頓，球員狀態自然大打折扣，或者呢個係輸波原因之一，但兩場波共失八球，巴塞條防線的確值得檢討。氣都未唞完，明晨又要出戰，仲要博贏至少四球，“食藥”都唔掂啦。

足足三十年未捧過盃嘅畢爾包在首回合有四球在手，呢個西班牙超級盃已經揸住半隻盃耳。球隊上下衆志成城，誓死保住領先優勢，就算血肉長城都要力保大門不失。巴塞贏波至多一球起兩球止。

推介：巴塞羅那2:0