曼城讓波要睇“車”

英超第二輪即上演重頭大戰，上季冠亞軍車路士與曼城火併。上季聯賽兩度碰頭，都係激戰成和未能分出勝負，證明兩隊勢均力敵，今戰誰勝誰負實在難料。

由於曼城首戰作客大勝對手三球，“車仔”則在自己地頭失分，開季狀態曼城稍為佔優，加上今仗佔有主場之利，所以初盤開出曼城要讓半球。既然雙方實力屬於半斤八両，勝負將取決於臨場發揮及埋門一腳，曼城未必可以穩操勝券，受讓嘅車路士值得一博。曼城在開鑼戰大炒西布朗，第一贏波功臣係梅開二度嘅Y杜尼。

同上季一樣，呢位科特迪瓦國腳表現好與壞，足以影響曼城整隊發揮。當然，西布朗除了實力較弱外，早段失球亦係大敗原因，今場對住“車仔”，曼城未必會踢得順風順水。

“車仔”今季開操至今真係冇場好睇，近六場三和三負，連續六場都有失球，共失十一球，一向穩打穩紮嘅防線完全“散晒”。今晚作客曼城，穩陣求變嘅老摩相信又會重施故技，再度出招以“泊大巴”戰術與曼城抗衡。

推介：和波1:1