多蒙特乘勝追“加”

新一季德甲聯賽今周正式打響，上季只能屈居第七位嘅多蒙特，可算係經歷失敗一季。但其實問題不大，每一支球隊都會經歷過上落，正如做人一樣，最緊要經得起風浪，在新季能夠重新振作。首戰在主場迎戰上季排名第三嘅慕遜加柏，“蜜蜂兵”勢必造勢打響頭炮。

球隊今季由杜祖執教，球員並冇太大變動，奧巴美揚、米希達恩、根杜簡及馬高雷斯等主力依然係球隊核心，加入卡斯特路與德國廿一歲國腳新星列拿，整體戰力有增無減，絕對有力向列強挑戰。

慕遜加柏上季勇奪季軍，以人腳嚟講，經已超出預期成績。今季雙線作戰要分身踢歐冠，將會受到極大考驗，隨時與多蒙特上季一樣，某程度上必會受到一定影響。慕遜加柏今季有主力前鋒古斯離隊，攻擊力有所減弱，但防守係球隊強項，上季僅失廿六球，緊隨拜仁係失球第二少球隊，預料今場上落唔大。初盤多蒙特讓半球／一球，季前熱身賽、歐霸盃及德國盃取得六連勝嘅“蜜蜂兵”，料可乘勝追擊，小勝對手。

推介：多蒙特1:0