巴塞兩球有數“維”

一五年歐洲超霸盃明晨上演，今季再由兩支西甲雄獅角逐，上季不敵皇家馬德里嘅西維爾，今季捲土重來，與另一班霸巴塞羅那展開爭奪戰。

兩隊近十次對賽，巴塞贏咗七場未輸過，實力明顯高出西維爾一班，理所當然成為捧盃大熱，初盤開出巴塞羅那硬讓球半並非過份，MSN攻擊組合殺傷力十足，要贏兩球並非難事，照捧巴塞贏波贏盤。巴塞季前最後一場熱身賽對住意甲“老二”羅馬，輕輕鬆鬆以三球取勝，美斯與尼馬兩大殺手回歸後即有“士哥”，顯示出極佳比賽狀態，仲有馬斯卓蘭奴及艾華斯等主力全部歸隊，巴塞今仗可以排出最強陣容出擊，只要球隊發揮出七成功力，今季歐洲超霸盃手到拿來。

西維爾今季走咗唔少主力，除射手巴卡外，後防兩大守將S維達爾與拿華路、德國國腳中場杜祖域斯基等已先後離隊，雖然補入恩莫比尼、卡古達及拉美等多位名氣球員，但需要時間磨合球隊，相信季初未必得到應有效果，戰力上會比預期中較弱，要爆冷殺敗巴塞，可能性相當低。

推介：巴塞羅那2:0