兵工廠難贏兩球

英超首輪第二日比賽有倫敦打吡戰。季前各項賽事五連勝，狀態“弗”到“嘭嘭聲”嘅阿仙奴，將在酋長球場恭候“錘仔幫”韋斯咸。

雙方近十次碰頭，阿仙奴戰無不勝，贏足十場，計對賽往績及球隊當前氣勢，兵工廠似乎斬硬“錘仔幫”。但季初波兼開鑼戰，最緊要睇鬥志，韋斯咸絕對唔會束手就擒。初盤阿仙奴要讓到球半／兩球，知恥近乎勇嘅韋斯咸定必全力拼搏，不致於會大敗收場，想贏盤不妨考慮“錘仔幫”。

阿仙奴季初橫掃各項賽事，酋長盃先後擊敗法甲“老二”里昂與德甲亞軍禾夫斯堡，上星期社區盾亦殺敗同市死敵車路士，球隊士氣高昂。不過，千祈唔好貪勝不知輸，聯賽首戰最重要打響勝鼓，全取三分為首要目標。

韋斯咸今季實力大幅提升，簽入意大利後防奧邦拿與法國嘅皮耶特兩位國腳級球員，仲有西班牙中場奧比安。更值得留意係借用嘅阿根廷新星蘭斯尼，呢位廿二歲小將被譽為阿根廷史奈達，無論腳法、速度及個人技術皆精。今季實力大增嘅韋斯咸隨時可搗亂大局。

推介：阿仙奴2:1