里昂“安”枕無憂

上屆法甲亞軍里昂今晚亮相，主場迎戰羅連安特爭取開門紅。今夏里昂引入強鋒比奧禾爾與拿卡錫迪合組“鋒線雙煞”，攻擊力又提升到另一層次，面對實力麻麻的羅連安特，加上主場之利，真係想唔贏都幾難。

主帥科尼亞提醒球員切勿輕敵：“上屆我們兩次交手都贏波而回，不過實際上他們是一支實力唔差的球隊，有很強的爭勝決心和意志，我們一定要全力以赴，小心陰溝翻船。”

里昂上季與馬塞、摩納哥聯手圍攻聖日門，雖然未能動搖大巴黎王者地位，但表現不算太差。上季聯賽神射手拿卡錫迪繼續留隊，科尼亞今夏又引入上季攻入十七個聯賽入球的比奧禾爾，進一步加強進攻火力。防線方面有查歷特領銜，上季失球數亦屬前三分子，加上新加盟的S.拉菲爾，補強邊路防守實力，防線變得更加固若金湯，“有前有後”的里昂面對羅連安特，相信不會受到考驗。

羅連安特鋒無力

羅連安特今季送走王牌前鋒佐敦阿休，同時亦未找到能夠擔大旗的鋒將加盟，令鋒線火力變得疲弱，之前五場友賽未勝一仗之餘，亦只得一個入球，“鋒無力”問題顯而易見。另外，上季羅連安特聯賽與里昂兩次交手全數敗陣而回，作客一役更被狂灌四蛋，今次再次作客比賽，球員心理上處於劣勢，今仗相信只能夠輸少當贏。