智利贏“德”

    洲際盃分組賽明晨上演超強戲碼，德國火併智利。兩隊都係B組出線大熱，首輪雙雙報捷，今場爭榜首。

    德國在首戰對澳洲雖佔得優勢，但最終僅險勝三比二，志在練兵的德國二隊明顯欠缺霸氣，對住澳洲埋門攻勢確唔少，惜把握力未夠火候，若非“袋鼠兵”防守力弱，德國難有三球進賬。德國的防線，路維更值得檢討，效力拜仁的基米治首次踢國際大賽，經驗稍嫌不足，梅斯達菲又欠缺大將之風，希陀及魯迪加並非穩健派，防線始終缺乏核心領袖。

    智利連贏兩屆美洲盃冠軍，世界排名第四，實力毋庸置疑。山齊士、維達爾、華加斯及門將巴禾等都係星級猛將，具技術兼球風硬朗。與德國比較，智利個人技術較平均，地面組織性亦絕不輸蝕，攻力更有過之而無不及。既然初盤平手，睇好智利可以“德”心應手。

    推介：智利2:1