意大利開大“登”

    意大利與西班牙在世界盃歐洲區外圍賽G組都係出線大熱，只係睇邊隊能爭首名直接進軍俄羅斯。意大利明晨將在主場迎戰超級魚腩列支敦士登，為要增加得球數，肯定展開大屠殺。

    意大利向來給人觀感都着重防守，其實進攻一樣煞食，據今季歐洲五大聯賽統計，意甲總入球數一千一百廿三球排首名，西甲與英超都要行埋一邊，證明意大利足球攻守兼備。

    意大利近兩場熱身賽分別大炒聖馬力諾及南美勁旅烏拉圭，兩場共入十一球，主帥雲度拿在進攻上落咗唔少功夫，今場對住弱中之弱的列支敦士登，相信會加強攻力，恩莫比尼、艾達及恩悉尼將三箭齊發，定將對手殺到“支”離破碎。

    在歐洲球壇，列支敦士登確屬頂級魚腩，五場分組賽全敗兼失十九球，防線弱不禁風。初盤意大利讓四球半，首循環意大利作客都淨勝四球，一於再捧開大“登”。

    推介：意大利5：0