“三獅”隔靴“蘇”癢

    世界盃歐洲區外圍賽今晚有場兄弟內訌，蘇格蘭挑戰大哥英格蘭。蘇格蘭在分組賽五戰得七分排第四，今場若輸，想爭次名出線都難，趁主場必全力爭勝，不過整體實力要擊敗英格蘭認真超難，因為幾乎每次對住“大佬”都輸。

    蘇格蘭有不少球員在英超二線球會效力，但只有老將費查最具名氣，其他大部分只在英冠揾食，與英格蘭球星相比明顯次一班。蘇格蘭首循環作客慘吞三蛋，今仗只望在主場踢出拼勁，將傷亡數字減到最低。

    英格蘭一向在外圍賽威到不得了，但入到決賽周經常冇料到，原因當然係分組賽對手問題。三獅在F組又係一枝獨秀，除斯洛伐克與斯洛文尼亞較有威脅外，蘇格蘭、立陶宛及馬耳他根本唔放在眼內，只有華迪因傷缺陣，仍夠殺有餘。初盤英格蘭讓半球／一球，三獅比賽態度認真，“細佬”都冇情講，一於拔“蘇”。

    推介：英格蘭2:0