江蘇玩轉上海灘

    今日續講亞冠盃十六強次回合，江蘇蘇寧與上海上港兩支中超球隊內訌。

    蘇寧與上港在首回合已合演精彩比賽，上港今晚帶着領先二比一作客江蘇，上港最緊要保持勝果。但睇首回合交鋒，江蘇並非善男信女，揸住一個作客入球，返主場確有力扭轉敗局。初盤上海上港讓平手／半球，捧蘇寧至少執半個盤。

    曾在廣州睇過上海上港作客對恆大的中超，上港明顯只靠兩名巨星，當然唔係許文強與丁力，而係侯克與奧斯卡。特別係侯克，在前線威脅相當大，可以話係致勝人物。但樹大招風，相信江蘇定會好好招呼呢位“綠巨人“。

    上港攻強守弱，分組賽六仗共失九球，其中三場作客輸兩場，在中超作客表現亦一般，五戰兩勝兩和一負失六球，作客信心不夠。江蘇上季在中超曾雙殺上港，首回合又幾乎玩轉上海灘，今仗主場一定冇情“港”。推介：江蘇蘇寧2:1