紅魔贏“特”球半

    有句俗語話“去到邊，衰到邊”，曾經搞到曼聯紅魔王朝低迷的教頭莫耶斯，在西甲“撈唔掂”後重返英超執教新特蘭，希望東山再起，可惜三十輪聯賽過後，球隊只得二十分包尾，更距離護級線十分，“黑貓”恐怕下季要踢英冠，目前處境只能垂死掙扎。

    今輪比賽將對住舊主曼聯，“莫生”要爭返啖氣都難。球隊進攻能力實在相當薄弱，仍靠卅五歲老將迪科爾衝鋒陷陣，波連尼與安尼捷比幾好波都冇用，中後場增援力度不足，球隊已經連續六場零得球，根本毫無贏波本錢。雖然今場對住“盟友”曼聯，但肯定“老摩”冇面畀。

    由老摩帶隊的紅魔連續兩場失分，爭前四再受衝擊。幸好相差第四位的分數唔多，仍大有機會衝上前四。上場逼和愛華頓，紅魔又係得勢不得分，兩次中柱又詐糊，老摩只賴“時運低”，最終搶返一分算有尾運行。論球隊實力絕對在“黑貓”之上，只要把握入球機會，攞足三分冇問題。初盤曼聯讓球半，捧紅魔劏“貓”。

    推介：曼聯2:0