車仔“水”到渠成

     英超榜首車路士繼續向聯賽錦標邁進，餘下十場只要攞多廿一分即封王，今晚主場迎戰要搶分護級的水晶宮，藍戰士有殺冇賠。

    水晶宮取得三連勝後升上十六位，但仍未脫離危險期，與降班區的侯城只差四分，仍要為護級掙扎。今場作客“一哥”車路士，水晶宮要搶分實在不易，但求力拼到底，望能搶得一分得一分。初盤車路士只需讓球半，實屬筍盤，捧車仔大迫“宮”。

    車仔主場威力不用多說，計埋足總盃殺退曼聯已取得十三連勝，英超主場十三仗十二勝，僅在季初不敵利物浦。球隊目前人腳齊整，並冇任何傷病，干地可排出最強陣容，對三分志在必得。

    水晶宮整體戰鬥力明顯不能與車路士相提並論，加上護級壓力唔小。不過三連勝確可提升鬥心，且上季作客史丹福橋球場曾殺敗車仔，能否再度爆冷，就要全力一拼。

    推介：車路士3:0