博拿坡里斬“馬”

    歐冠盃明晨上演十六強次回合，衛冕冠軍的皇家馬德里將要作客拿坡里。

    銀河艦隊首回合領先三比一，晉級八強機會相當高。始終計整體實力，皇馬無疑比對手較強，拿坡里要淨勝兩球，實在不容易。當然，世事無絕對，拿坡里必定盡地一煲擺出搏殺格，只要爭取到第一個入球，亦有一定翻身機會。初盤平手各不相讓，不妨考慮主場的拿坡里坐和望贏。

    拿坡里今仗要反敗為勝，前線火力最重要，在意甲，拿坡里入球數超過六十球，係各隊中火力最猛。上場對羅馬梅開二度的比利時射手梅頓斯、意大利國家隊一對前鋒恩悉尼與基亞卓連尼將組成攻擊鐵三角，誓必向皇馬防線策動連環襲擊。

    皇馬攻力確有一定保證，但防線不穩亦係球隊最大弱點，近四場比賽共失八球，其中對陣拉斯彭馬斯三比三一戰中，後防線簡直笑料百出，失三球都算少。兩球在手的皇馬確未必十拿九穩入八強，預料“丹爺”將會加強防守力但求晉級。

    推介：拿坡里2:1