車仔繼續“尼”料

    英超“一哥”車路士繼續展開奪冠之旅，今晚作客升班馬般尼。從首循環對賽形勢，車仔以三球輕鬆取勝，反映出雙方實力有較大差距，為要擴大領先優勢，車仔今仗絕不會放軟手腳，三分志在必得。

    般尼目前有廿九分排十二位，與降班線球隊相差九分，暫時並未受到護級太大威脅，以一支升班馬嚟講肯定收貨。

    當然，一日未坐穩船，都希望距離降班區越遠越好，主場將會力拼到底，搶多一分得一分。雖球隊作戰能力明顯不及車仔，但般尼主場惡到出汁。初盤車路士讓一球／球半，般尼未必會大敗收場，極可能輸波贏盤。

    般尼的確靠主場搵食，廿九分有二十八分在自己地頭取得，主場戰績僅次於車路士與熱刺排第三位，最近七場各項比賽亦取得七連勝，車仔不可不防呢支地頭龍。車仔上仗贏出精彩一仗，以三比一擊敗同市死敵阿仙奴，奪冠指日可待；但近三場作客只係勝和負各一。況且以三分為目標，球數多少並非重要。

    推介：車路士一比〇