紅軍一“刺”難求

    英超今輪又有列強對撼，由利物浦火併第二的熱刺。

    海鮮波的紅軍越踢越“迷”，聯賽盃與足總盃連環出局，聯賽又連續五場失分，由第二跌到落第五，已落後榜首車路士十三分，爭標應該唔使諗，爭前四係重中之重。不過“阿四”都爭崩頭，今仗過到熱刺先講。

    熱刺近期掂過碌蔗，已十一場不敗，包括倫敦打吡擊敗車仔，狀態勇不可當。今場作客挑戰紅軍，熱刺無往不“利”。計往績，紅軍近九次對熱刺未輸過兼六勝，心理可能佔優。但近期表現全無威勢，近十場不勝，其中五仗主場輸三場，唯一可取係紅軍打強隊特別精神。在各豪門中，熱刺能坐上第二實在唔簡單，主帥普捷天奴都係踢戰術為主，應對紅軍應該有計。初盤利物浦讓平手／半球，首循環對賽殺得難分難解，預料今戰亦難分勝負，受讓的熱刺可捧。

    推介：和波一比一