曼聯難攻“城”

    正所謂“出嚟行，遲早要還”。李斯特城上季勇奪英超冠軍，受咗唔少球隊恩惠，人情債，今季都要還得七七八八。又正所謂“有咁耐風流，就有咁耐折墮”，狐狸幫聯賽榜已經深陷險境，目前排第十六位，只多降班線的水晶宮兩分，仲唔扭轉局勢，隨時跌落降班漩渦。明晨主場迎戰曼聯，都要搏命掙扎。

    曼聯今季目標鮮明，力爭前四位置，惜追來追去都差兩步，上仗又脱腳，主場被護級分子的侯城悶和。今戰作客狐狸幫，紅魔實在難有勝算。初盤曼聯讓半球／一球，捧要求生的李斯特城主場至少可保不敗。

    戰績差球隊自然問題多多，狐狸幫内部矛盾唔少，攻擊手烏路亞講明罷踢。不過，前線大有人在，華迪、梅沙、岡崎慎司，仲有阿爾及利亞雙煞馬列斯與施利文尼經已回歸，有足夠火力與紅魔作戰。

    曼聯上場又啞火，攻老虎城攻極都唔入，唔到你唔服。雖然開季在社區盾及首循環曾雙殺狐狸幫，但今戰作客，曼聯隨時再失分。

    推介：和波一比一