曼聯爭位必破“城”

    英超曼市雙雄明晨分途出擊，為爭前四全力搶分。曼城作客韋斯咸隨時有失分可能；曼聯主場對侯城，贏波機會相當高，老摩必排最強人腳，上位係時候。

    曼聯雖在聯賽盃次回合不敵侯城，但憑首回合淨勝兩球，足以殺入決賽。曼聯早前表現並不理想僅兩和一負，幸上仗在足總盃再度回勇大炒韋根，多名後備球員上陣都有超搶鏡表現，費蘭尼、馬迪爾、舒雲斯迪加及米希達恩等都踢出極佳水準，加上一班“魔星”輪休養精蓄銳，老摩手頭上兵強馬壯，今仗要搶分，大斬侯城事在必行。

    以十六分排尾二的侯城危在旦夕，每仗都係拼命之戰。惜作客能力相當差，十一戰僅一勝兼輸九場。防守脆弱係侯城最大致命傷，廿二場聯賽失四十七球，係英超中第二失球最多。初盤曼聯讓兩球，捧紅魔鬼主場再次大勝。

    推介：曼聯四比〇